ઝઘડિયા તાલુકાના શિયાલી ગામના ખેડૂતને શ્રેષ્ઠ પશુપાલક તરીકેનું બિરુદ મળ્યું
✍️ગુલામહુશેન ખત્રી રાજપારડી જિ.ભરૂચ
રાજપારડી: ભરૂચ જિલ્લાના ઝઘડીયા તાલુકાના શિયાલી ગામે રહેતા દીપકભાઈ ગિરીશભાઈ પટેલ ખેતી સાથે પશુપાલનનો પણ ખુબ સારો વ્યવસાય કરે છે. દીપકભાઈ પાસે દેશી ગાયો તથા ભેંસોનો તબેલો છે. ગુજરાત રાજ્યના કૃષિ ખેડૂત કલ્યાણ અને સહકાર વિભાગ અંતર્ગત સુશાસન સપ્તાહ નિમિત્તે નાયબ પશુપાલન નિયામક દ્વારા ધનિષ્ઠ પશુ સુધારણા યોજના ભરૂચ અંતર્ગત તાલુકા કક્ષાના શ્રેષ્ઠ પશુપાલક પ્રમાણપત્ર વર્ષ ૨૦૨૧-૨૨ દરમિયાનના અપાયા. જેમાં તાલુકા કક્ષાના શ્રેષ્ઠ પશુપાલકને સન્માનિત કરવામાં આવ્યા હતા. ઝઘડિયા તાલુકાના શિયાલી ગામના દીપકભાઈ ગિરીશભાઇ પટેલે પોતાના પશુપાલન ક્ષેત્રે આગવી કોઠાસૂઝ થી ઉચ્ચ કક્ષાની સિધ્ધિ મેળવીને ધ્યાનાકર્ષક કામગીરી કરી હતી, તથા અન્ય પશુપાલકોને પણ તેઓએ માર્ગદર્શન આપ્યુ છે, તે બદલ દિપકભાઈ પટેલને ઝઘડિયા તાલુકા કક્ષાનું પ્રથમ સ્થાનનું શ્રેષ્ઠ પશુપાલક તરીકેનું પ્રમાણપત્ર વર્ષ ૨૦૨૧-૨૨ ભરુચ મુકામે સાંસદ મનસુખભાાઈ વસાવાના હસ્તે એનાયત કરવામાં આવ્યું હતું.
#gujaratnivacha
Comments
Post a Comment