પાણીની આવક/ સિઝનમાં પહેલી વખત ઓરસંગનો જોજવા આડબંધ ઓવરફ્લો થયો.
પાણીની આવક/ સિઝનમાં પહેલી વખત ઓરસંગનો જોજવા આડબંધ ઓવરફ્લો થયો
છોટાઉદેપુર: છોટાઉદેપુર જિલ્લાની લોકમાતા ગણાતી ઓરસંગ નદીમાં પાણીની સારી આવક થતાં જોજવા ગામ પાસે આવેલો આડબંધ આ સિઝનમાં પહેલી વખત જ ઓવરફ્લો થયો હતો. ઓરસંગ છોટાઉદેપુર જિલ્લાની લોકમાતા ગણાય છે. જોજવા પાસે ઓરસંગ નદીમાં પાણીનો ધસમસતો પ્રવાહ જોવા મળે છે. છોટાઉદેપુર જિલ્લાનાં બોડેલી અને સંખેડા વચ્ચે જોજવા ગામ આવેલું છે. જોજવા ગામ પાસે ગાયકવાડી સ્ટેટ વખતનો આ બંધ ઓરસંગ નદી ઉપર બનેલો છે. આ આડબંધ થકી પાણી કેનાલ મારફતે વઢવાણા તળાવ સુધી પહોંચે છે.
વઢવાણા ફિડર કેનાલ દ્વારા વઢવાણા તળાવ સુધી પહોંચતાં પાણીથી વઢવાણા તળાવ ભરાય છે. આ તળાવનાં પાણી ડભોઇ અને સંખેડા તાલુકાનાં ગામોને મળે છે. વિતેલા 24 કલાક દરમિયાન છોટાઉદેપુર જિલ્લામાં સારો વરસાદ પડ્યો છે. ઉપરાંત મધ્યપ્રદેશમાં પણ સારો વરસાદ ઓરસંગ નદીનાં કેચમેંટ વિસ્તારમાં પડવાનાં કારણે મંગળવારથી જ પાણીની સારી આવક શરૂ થઇ હતી.
પાણીની આવક થવાનાં કારણે જોજવા ગામ પાસે બંધાવેલ આડબંધ સિઝનમાં પહેલી વખત જ ઓવરફ્લો થયો છે. અહિંયા જોજવા પાસે ઓરસંગ નદીનો ધસમસતો પ્રવાહ જોવા મળે છે. ઓરસંગ નદીની રેતી બાંધકામ માટે પ્રખ્યાત છે. ઓરસંગ નદીમાં પાણીની આવક થતાં કિનારાનાં બોરકૂવા પણ રિચાર્જ થાય છે.
ફૈજાન ખત્રી કલારાણી તા.જેતપુરપાવી જિ.છોટાઉદેપુર
#gujaratnivacha
🙏🇮🇳🙏🇮🇳🙏🇮🇳🙏🇮🇳🙏🇮🇳
Comments
Post a Comment