કોડીનાર ખાતે આઝાદીકા અમૃત મહોત્સવ અંતર્ગત યોજાયેલ જિલ્લાકક્ષાની એથ્લેટીક્સ સ્પર્ધામાં ૩૨૨ ખેલાડીઓએ ભાગ લીધો

કોડીનાર ખાતે આઝાદીકા અમૃત મહોત્સવ અંતર્ગત યોજાયેલ જિલ્લાકક્ષાની એથ્લેટીક્સ સ્પર્ધામાં ૩૨૨ ખેલાડીઓએ ભાગ લીધો

નરેન્દ્રભાઈ દવે

 ગીર-સોમનાથ:  રમત-ગમત યુવા અને સાંસ્કૃતિક પ્રવૃત્તિઓ વિભાગ, ગાંધીનગર અને સ્પોટર્સ ઓથોરીટી ઓફ ગુજરાત સંચાલિત જિલ્લા રમત પ્રશિક્ષણ કેન્દ્રની કચેરી દ્વારા ગીર-સોમનાથ જિલ્લાકક્ષાની સીનીયર એથ્લેટીક્સ સ્પર્ધા સોમનાથ એકેડમી કોડીનાર ખાતે યોજાઈ હતી. જેમાં ભાઈઓ અને બહેનો મળી કુલ ૩૨૨ ખેલાડીઓએ ભાગ લીધો હતો.

 આ સ્પર્ધામાં વિજેતા થયેલ ૧૦૦મી. ભાઈઓમાં અંસારી નસિમ બહેનોમાં પરમાર પુરીબેન, ૨૦૦મી. ભાઈઓમાં ગૈાસ્વામી યશ અને બહેનોમાં ગાધે પુનમ, ૪૦૦મી. ભાઈઓમાં ચુડાસમા રાજેશ અને બહેનોમાં મૈયા આરતી, ૮૦૦મી ભાઈઓમાં બાંભણીયા અનિલ અને બહેનોમાં ગાધે પુનમ તેમજ ૧૫૦૦મી ભાઈઓમાં ચુડાસમા સંજય અને બહેનોમાં ઝાલા શિવાલી વિજેતા થયાં હતાં. આ વિજેતા ખેલાડીઓ તા. ૦૭-૦૮-૨૧ અને ૦૯-૦૮-૨૧ નાં રોજ હિમંતનગર ખાતે યોજાનાર રાજ્યકક્ષા સિનિયર એથ્લેટીક્સ સ્પર્ધામાં ગીર-સોમનાથનું પ્રતિનિધિત્વ કરશે. વિજેતા થયેલ ખેલાડીઓને જિલ્લા રમત-ગમત અધિકારીશ્રી વિશાલ જોષી, જિલ્લા યુવા વિકાસ અધિકારીશ્રી હરેશ મકવાણા, સિનિયર કોચશ્રી કાનજી ભાલીયા, પ્રાંત યુવા વિકાસ અધિકારીશ્રી અશ્વીન સોલંકી, શ્રી વરજાંગભાઈ વાળા અને અર્જુનભાઈ પરમારે રાજ્યકક્ષાની સ્પર્ધામાં ઉત્કૃષ્ટ દેખાવ કરવાં બદલ શુભકામનાઓ પાઠવી હતી.

#gujaratnivacha

🙏🇮🇳🙏🇮🇳🙏🇮🇳🙏🇮🇳🙏🇮🇳